PLACE YOUR AD HERE AT LOWEST PRICE
ಕೆಜಿಎಫ್ ತಾಲ್ಲೂಕು ಬೇತಮಂಗಲ ಹೋಬಳಿಯ ಟಿ.ಗೊಲ್ಲಹಳ್ಳಿ ಗ್ರಾಪಂಯ ಕಳ್ಳಿಕುಪ್ಪ ಗ್ರಾಮದ ಕುರಿಗಾಹಿ ಯುವಕ ಕೃಷ್ಣಮೂರ್ತಿ(26) ಕೆರೆಯಲ್ಲಿ ನೀರು ಕುಡಿಯಲು ಹೋಗಿ ಆಕಸ್ಮಿಕವಾಗಿ ಬಿದ್ದು, ಮೃತಪಟ್ಟಿರುವ ಘಟನೆ ನಡೆದಿದೆ.
ಕಳೆದ 3 ದಿನಗಳ ಹಿಂದೆ ಕುರಿಗಳು ಮೇಯಿಸಲು ಹೋಗಿ ನಾಪತ್ತೆಯಾಗಿದ್ದ ಕಳ್ಳಿಕುಪ್ಪ ನಿವಾಸಿ ಮುನಿಲಕ್ಷ್ಮಮ್ಮ ಲೇಟ್ ರಾಮಪ್ಪ ಅವರ ಪುತ್ರ ಮೃತ ದುರ್ದೈವಿ ಅವಿವಾಹಿತ ಕೃಷ್ಣಮೂರ್ತಿ(26) ಕೆರೆಯಲ್ಲಿ ನೀರು ಕುಡಿಯಲು ಹೋಗಿ ಕಾಲು ಜಾರಿ ಬಿದ್ದು ಮೃತಪಟ್ಟಿದ್ದಾನೆ.
3 ದಿನಗಳಾದ ನಂತರ ಮೃತದೇಹ ಮೇಲೆ ಬಂದಿದ್ದು, ತಕ್ಷಣ ಬೇತಮಂಗಲ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪಿಎಸೈ
ಜಗದೀಶ್ ರೆಡ್ಡಿ ನೇತೃತ್ವದಲ್ಲಿ ಪೊಲೀಸರು ತಕ್ಷಣ ಬೇಟಿ ನೀಡಿ ಮೃತದೇಹವನ್ನು ಮೇಲೆತ್ತಿ ಮರಣೋತ್ತರ ಪರೀಕ್ಷೆ ನಡೆಸಿ ಪೋಷಕರಿಗೆ ಹಸ್ತಾಂತರಿಸಿದರು.
ಮೃತ ಕೃಷ್ಣಮೂರ್ತಿಗೆ ಮೂವರು ಸಹೋದರರು, ಒಬ್ಬ ಸಹೋದರಿ ಇದ್ದಾಳೆ, ಪೋಷಕರ ಆಕ್ರಂದನಮುಗಿಲು ಮಟ್ಟಿದೆ.