PLACE YOUR AD HERE AT LOWEST PRICE
ಕೋಲಾರ ತಾಲ್ಲೂಕಿನ ಶೆಟ್ಟಿಕುಂಟ ಗ್ರಾಮದ ಹೊರವಲಯದಲ್ಲಿನ ವಿಜಯ್ ಕುಮಾರ್ ಎಂಬುವವರಿಗೆ ಸೇರಿದ ಕಾಂಪೌಂಡ್ ಇರುವ ಜಮೀನಿನಲ್ಲಿ ಪೊಲೀಸರು ದಾಳಿ ಮಾಡಿ ಅಂದರ್ ಬಾಹರ್ ಆಡುತ್ತಿದ್ದ 17 ಜನರನ್ನು ಬಂಧಿಸಿ, ಅವರಿಂದ 20.58.930ರೂಗಳು ಮತ್ತು 23 ಮೊಬೈಲ್ ಹಾಗೂ 11 ಐಷಾರಾಮಿ ಕಾರುಗಳನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.
ಅಕ್ರಮ ಜೂಜಾಟದ ಬಗ್ಗೆ ಮಾಹಿತಿ ತಿಳಿಯುತ್ತಿದ್ದಂತೆ ಕೋಲಾರ ಎಸ್.ಪಿ ನಾರಾಯಣ, ಹೆಚ್ಚುವರಿ ಎಸ್.ಪಿ ಭಾಸ್ಕರ್ ವಿ.ಬಿ ಮತ್ತು ಡಿ.ವೈ.ಎಸ್.ಪಿ ಮಲ್ಲೇಶ್ ರ ಮಾರ್ಗದರ್ಶನದಲ್ಲಿ ಸಿ.ಇ.ಎನ್ ವಿಭಾಗದ ಪೊಲೀಸ್ ನಿರೀಕ್ಷಕ ಜಗದೀಶ್ ನೇತೃತ್ವದ ತಂದ ದಾಳಿ ನಡೆಸಿ ಜೂಜಾಟ ಆಡುತ್ತಿದ್ದ ಹೊರ ರಾಜ್ಯ ಮತ್ತು ಬೆಂಗಳೂರು ಮೂಲದ 17 ಜನರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಫೀಟರ್, ಎಸ್.ರಾಜು, ರವೀಂದ್ರನಾಥ್, ಕಲೀಂ ಉಲ್ಲಾ, ಎಂ.ವಿಜಯ್ ಗೌಡ, ಆರ್.ರಮೇಶ್, ಮಂಜುನಾಥ್.ಕೆ, ಮಂಜುನಾಥ್.ಎಸ್, ವಿಜಯ್, ಶಶಿಕಿಮಾರ್, ಶಿವಕುಮಾರ್, ಮಹೇಶ್, ಕಿಶೋರ್ ಗೌಡ, ಅಶ್ವಥ್ ನಾರಾಯಣಪ್ಪ, ಡಿ.ಸುರೇಶ್, ಸುರೇಶ್ ಕುಮಾರ್.ಎಸ್, ದೋಸಪಾಟಿ ಅಶೋಕ್ ಕುಮಾರ್ ಇವರುಗಳನ್ನು ಪೊಲೀಸರು ಬಂಧಿಸಿದ್ದಾರೆ.