ಕೆಜಿಎಫ್
ಕೋಲಾರ
ತಾಲ್ಲೂಕು ಸುದ್ದಿ
ನಮ್ಮ ಕೋಲಾರ
ಬಂಗಾರಪೇಟೆ
ಮಕ್ಕಳ ಸುದ್ದಿ
ಮಾಲೂರು
ಮುಳಬಾಗಿಲು
ಶಿಕ್ಷಣ
ಶ್ರೀನಿವಾಸಪುರ
PLACE YOUR AD HERE AT LOWEST PRICE
ಪುಲ್ವಾಮ ದಾಳಿಯಲ್ಲಿ ವೀರ ಮರಣ ಹೊಂದಿದ ನಮ್ಮ ರಾಷ್ಟ್ರದ ಹೆಮ್ಮೆಯ ಸೈನಿಕರ ಆತ್ಮಕ್ಕೆ ಶಾಂತಿ ಕೋರಿ ಓಂಶಕ್ತಿ ಫೌಂಡೇಶನ್ ವತಿಯಿಂದ ಮಂಗಳವಾರ ಮೇಣದ ಬತ್ತಿ ಬೆಳಗಿಸುವ ಮೂಲಕ ಪುಲ್ವಾಮ ವೀರ ಸೈನಿಕರನ್ನು ಸ್ಮರಣೆ ಮಾಡಲಾಯಿತು.
ಈ ಸಂದರ್ಭದಲ್ಲಿ ಓಂಶಕ್ತಿ ಫೌಂಡೇಶನ್ ಅಧ್ಯಕ್ಷ ಹಾಗೂ ಬಿಜೆಪಿ ಮುಖಂಡ ಓಂಶಕ್ತಿ ಚಲಪತಿ ಮಾತನಾಡಿ ಪುಲ್ವಾಮ ದಾಳಿಯಾಗಿ ನಾಲ್ಕು ವರ್ಷಗಳಾಗಿದೆ ಅಂದಿನಿಂದ ಇಂದಿನವರೆಗೂ ಯಾವುದೇ ದಾಳಿಗಳು ನಡೆಯದಂತೆ ದೇಶದ ಪ್ರಧಾನಿ ಕಾವಲುಗಾರನ ರೀತಿಯಲ್ಲಿ ನೋಡಿಕೊಂಡಿದ್ದಾರೆ .
ನರೇಂದ್ರ ಮೋದಿಯ ಆಡಳಿತದಿಂದ ಅನೇಕ ರಾಷ್ಟ್ರಗಳಿಗೆ ಭಯದ ವಾತಾವರಣ ಸೃಷ್ಟಿಯಾಗಿದೆ ಹಲವಾರು ವರ್ಷಗಳಿಂದ ಪಾಕಿಸ್ತಾನ ಹಾಗೂ ಚೀನಾ ರಾಷ್ಟ್ರಗಳು ನಮ್ಮ ದೇಶದ ಮೇಲೆ ಸಾಕಷ್ಟು ಬಾರಿ ದಾಳಿನಡೆಸಿದರೂ ನಮ್ಮ ದೇಶದ ಅಂದಿನ ಪ್ರಧಾನಿಗಳು ಕೈಚಲ್ಲಿ ಕುಳಿತುಕೊಳ್ಳುತ್ತಿದ್ದರು ಇವತ್ತು ನಮ್ಮ ಹೆಮ್ಮೆಯ ಪ್ರಧಾನಿ ಮೋದಿಯವರ ಸರ್ಜಿಕಲ್‌ ಸ್ಟ್ರೈಕ್‌ನಿಂದ ಪ್ರಪಂಚವೇ ತಿರುಗಿ ನೋಡುವ ವಾತಾವರಣವನ್ನು ನಿರ್ಮಿಸಿದ್ದಾರೆ ಎಂದರು.
ನರೇಂದ್ರ ಮೋದಿ ಬಂದ ನಂತರ ಭಾರತದ ಸೈನಿಕರು ಹೆಮ್ಮೆ ಪಡುವಂತಾಗಿದೆ ಜೊತೆಗೆ ದೇಶವು ಬಲಿಷ್ಠವಾಗಿದೆ ಪಾಕಿಸ್ತಾನ ದೇಶವು ಪ್ರತಿ ಹಂತದಲ್ಲೂ ಮತ್ತೊಂದು ದೇಶದ ಮಧ್ಯೆ ಭಿಕ್ಷೆ ಬೇಡುವ ಸ್ಥಿತಿಗೆ ಬಂದಿದೆ ಕೊರೊನಾ ಸಂದರ್ಭದಲ್ಲಿ ದೇಶದಲ್ಲಿ ಮೋದಿ ನಡೆದುಕೊಂಡ ರೀತಿ ಇಡೀ ವಿಶ್ವಕ್ಕೆ ಮಾದರಿಯಾಗಿದೆ ಭಾರತ ಆರ್ಥಿಕತೆ ಬೆಳೆದು ಬಲಿಷ್ಠ ಭಾರತವಾಗಿ ಇವತ್ತು ವಿಶ್ವ ಗುರು ಸ್ಥಾನ ಪಡೆದಿರುವುದು ನಮ್ಮ ಹೆಮ್ಮೆಯಾಗಿದೆ ಎಂದರು.
ಈ ಸಂದರ್ಭದಲ್ಲಿ ಓಂಶಕ್ತಿ ಫೌಂಡೇಶನ್ ಸದಸ್ಯರಾದ ಪದ್ಮಮ್ಮ, ಪ್ರೇಮಾ, ಶುಭಕರ್,ವಿನೋದ, ಜಯಂತಿ, ಪ್ರವೀಣ, ವಿಜಯಕುಮಾರ್, ಕಾವ್ಯ , ರುಕ್ಮಿಣಿ, ಲಕ್ಷ್ಮೀ, ಮೀನಾ, ಸುಜಾತಮ್ಮ, ರೆಡ್ಡೆಮ್ಮ, ಅಶ್ವಿನಿ ಮುಂತಾದವರು ಇದ್ದರು