ಕೆಜಿಎಫ್
ಕೋಲಾರ
ತಾಲ್ಲೂಕು ಸುದ್ದಿ
ದೇಶ
ನಮ್ಮ ಕೋಲಾರ
ಬಂಗಾರಪೇಟೆ
ಮಾಲೂರು
ಮುಳಬಾಗಿಲು
ರಾಜಕೀಯ
ರಾಜ್ಯ ಸುದ್ದಿ
ಶ್ರೀನಿವಾಸಪುರ
PLACE YOUR AD HERE AT LOWEST PRICE
ದೇಶದಲ್ಲಿ ಹವಾಮಾನ ವೈಪರೀತ್ಯದಿಂದಾಗಿ ಟೊಮ್ಯಾಟೋ ಬೆಲೆ ಗಗನಕ್ಕೇರಿದೆ. ನಾನಾ ಹೋಟೆಲ್‌ಗಳು ಟೊಮ್ಯಾಟೊ ಬಳಸಿ ಮಾಡುವ ಪದಾರ್ಥಗಳನ್ನು ಕಡಿಮೆ ಮಾಡಿವೆ. ಕೆಲವು ರೈತರು ಟೊಮ್ಯಾಟೊ ಬೆಳೆ ಬೆಳೆದು ಲಕ್ಷಾಂತರ ರೂ. ಗಳಿಸುತ್ತಿದ್ದಾರೆ. ಹಲವು ಕಡೆ ಕಳ್ಳತನ ಪ್ರಕರಣ ಕೂಡ ನಡೆಯುತ್ತಿದೆ. ಈ ಎಲ್ಲ ‘ಟೊಮ್ಯಾಟೋ’ ಬೆಳವಣಿಗೆಗಳ ನಡುವೆ ನಟಿ ಉರ್ಫಿ ಜಾವೇದ್ ಕೂಡ ‘ಟೊಮ್ಯಾಟೋ’ಗಾಗಿ ಸುದ್ದಿಯಾಗಿದ್ದಾರೆ.
ತನ್ನ ವಿಚಿತ್ರ ವೇಷಭೂ‍‍ಷಣಗಳಿಂದ ಸದಾ ಸುದ್ದಿಯಲ್ಲಿರುವ ನಟಿ, ಮಾಡೆಲ್ ಉರ್ಫಿ ಜಾವೇದ್, ಟೊಮ್ಯಾಟೋವನ್ನೇ ಕಿವಿಯೋಲೆಯಾಗಿ ಧರಿಸಿರುವ ಫೋಟೋವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿದ್ದು, ನೆಟ್ಟಿಗರಿಂದ ಟ್ರೋಲ್‌ಗೊಳಗಾಗಿದ್ದಾರೆ.
ಯಾವುದೇ ವಸ್ತುವಿನ ಬೆಲೆ ದುಬಾರಿ ಆದಾಗ ಅದನ್ನು ಚಿನ್ನಕ್ಕೆ ಹೋಲಿಸಿ ಮಾತನಾಡುವುದು ಸಾಮಾನ್ಯ ಸಂಗತಿ. ಈಗ ಟೊಮ್ಯಾಟೋ ಕೂಡ ಅದೇ ರೀತಿ ಆಗಿದೆ. ಹಾಗಾಗಿ, ‘ಟ್ಯೊಮ್ಯಾಟೋನೇ ಈಗಿನ ಹೊಸ ಬಂಗಾರ’ ಎಂಬ ಕ್ಯಾಪ್ಷನ್ ಬರೆದು ಉರ್ಫಿ ಜಾವೇದ್ ಅವರು ಈ ಫೋಟೋಗಳನ್ನು ಹಂಚಿಕೊಂಡಿದ್ದರು.
ಕೈಯಲ್ಲೊಂದು ಟೊಮ್ಯಾಟೊ ಹಿಡಿದುಕೊಂಡು, ಕಿವಿಯೋಲೆಯಾಗಿ ಧರಿಸಿ ಪೋಸ್ ಕೊಟ್ಟಿರುವ ನಟಿಯ ಫೋಟೋ ನೆಟ್ಟಿಗರ ಗಮನ ಸೆಳೆದಿದೆ. ಜೊತೆಗೆ ಎಂದಿನಂತೆ ಟ್ರೋಲ್‌ಗೂ ಒಳಗಾಗಿದೆ.
ಫೋಟೋಗೆ ಕಮೆಂಟ್ ಮಾಡಿರುವ ಹಲವರು, ‘ಬೆಲೆ ಏರಿಕೆಯಾದಾಗ ಟೊಮ್ಯಾಟೋಗೂ ಒಂದು ಗೌರವ ಬಂದಿತ್ತು. ನೀವು ಈ ರೀತಿ ಧರಿಸಿದ ಮೇಲೆ ಅದು ಕೂಡ ಹಾಳಾಯ್ತು’ ಎಂದು ಟ್ರೋಲ್ ಮಾಡಿದ್ದರೆ, ‘ನಿಮ್ಮ ಐಡಿಯಾ ಮೆಚ್ಚಬೇಕು. ಆದರೆ, ನಿಮ್ಮ ಕಿವಿಯೋಲೆ ನಿಮಗೆ ಭಾರವಾಗ್ತಿಲ್ವಾ’ ಎಂದು ಪ್ರಶ್ನಿಸಿದ್ದಾರೆ.