PLACE YOUR AD HERE AT LOWEST PRICE
ಕೋಲಾರ:ಕದ್ದ ಕೋಳಿ ಖರೀದಿಸಿದ್ದನ್ನು ಪ್ರಶ್ನಿಸಿದವನ ಮೇಲೆ ಮಚ್ಚಿನಿಂದ ಹಲ್ಲೆಗೆ ಯತ್ನಿಸಿದ ಘಟನೆ ಕೋಲಾರದಲ್ಲಿ ಜರುಗಿದೆ.
ಕೋಲಾರದ ಅಮ್ಮಾವರಪೇಟೆ ವೃತ್ತದಲ್ಲಿ ಕಳ್ಳತನ ಮಾಡಿದ ಕೋಳಿಗಳನ್ನು ಖರೀದಿಸುವ ಆಸಾಮಿಯನ್ನು ಗುರುತು ಪತ್ತೆ ಮಾಡಿ ಪ್ರಶ್ನಿಸಿದ ಖಾಸಗಿ ವಾಹಿನಿಯ ಕ್ಯಾಮರಾ ಮೆನ್ ಕಿರಣ್ ಮೇಲೆ ಮಚ್ಚಿನಿಂದ ಹಲ್ಲೆಗೆ ಯತ್ನ ನಡೆದಿದೆ.
ಕೋಳಿ ಕತ್ತರಿಸುವ ಮಚ್ಚಿನಿಂದ ಹಲ್ಲೆಗೆ ಮುಂದಾದ ಆಸಾಮಿ,ಕೋಳಿ ಮಾಂಸದ ಅಂಗಡಿ ಮಾಲೀಕ ತಾಜ್ ಪೀರ್ ಎಂದು ಹೇಳಲಾಗುತ್ತಿದೆ.
ಕದ್ದ ಕೋಳಿಗಳನ್ನು ಖರೀದಿ ಮಾಡುತ್ತಾನೆ ಎಂದು ಹೇಳಿ ವೀಡಿಯೋ ಮಾಡಲು ಮುಂದಾದ ಕಿರಣ್ ಮೇಲೆ ಕೋಳಿ ಕತ್ತರಿಸುವ ಮಚ್ಚು ತೆಗೆದುಕೊಂಡು ಬಂದು ಎರಡು ಭಾರಿ ಬೀಸಿದ ಆಸಾಮಿ ಹಲ್ಲೆಗೆ ಯತ್ನಿಸಿದ.
ಖಾಸಗಿ ವಾಹಿನಿ ಕ್ಯಾಮರಾ ಮೆನ್ ಅದೃಷ್ಟವಶಾತ್ ತಪ್ಪಿಸಿಕೊಂಡ. ಹಲ್ಲೆಯನ್ನು ತಡೆದ ಸಾರ್ವಜನಿಕರು ಸಮಯಕ್ಕೆ ಅಲ್ಲೇ ಇದ್ದ ಪೋಲೀಸರ ಕೈಗೆ ಹಲ್ಲೆ ಮಾಡಿದವನನ್ನು ಒಪ್ಪಿಸಿದರು.
ಆರೋಪಿಯನ್ನು ನಗರದ ಗಲ್ ಪೇಟ್ ಪೋಲೀಸ್ ಠಾಣೆಗೆ ಕರೆದೊಯ್ದು,ಪ್ರಕರಣ ದಾಖಲಿಸಿಕೊಂಡು , ಆರೋಪಿತನ ವಿರುದ್ಧ ತನಿಖೆ ಮುಂದುವರೆಸಿದ್ದಾರೆ.